من طرف هنحتاج الي:
1- تلات معالق كبار رز ابيض متنقي ومش مغسول.
2- حوالي اربع كبايات كبار مياه.
3- زجاجة نضيفة.
طريقة التحضير:
1- هتجيبي كمية الرز كلها وتنقعيها في كباية ميه واحدة بس من الكمية المذكورة فوق وخدي بالك هتنقعي من غير غسيل للرز يعني مباشرة يتنقع ويتساب منقوع في الميه لمدة علي الاقل ساعتين.
2- هتاخدي الرز المنقوع بالميه بتاعته وكمان باقي كمية المية المذكورة و تحطيهم في حلة علي النار يغلوا فترة علي الاقل ربع ساعة لحد ما الرز يتهري تماما خالص ويبقي زي العجينة تقريبا.
3- هترفعيه من علي النار وتسيبيه يبرد خالص وبعدين تحاولي تضربيه في الخلاط لحد ما الرز يتخلط بالميه ديه خالص وما يبقاش له قوام منفصل عن قوام الميه وبعدين تشيليه في الزجاجة النضيفة و وتحطيها في التلاجة.
يابنات خدوا بالكم القوام المظبوط له انه يبقي زي الجلسرين كده لا اتقل والا اخف من كده فاهمين قصدي و تقدري وهو علي النار او بعد ما ترفعيه من النار تزودي كمية الميه لحد ما توصلي للقوام ده.
بالنسبة للاستعمال اليومي:
اولا :هو مش متقيد بعدد مرات يوميا يعني ممكن تعمليه بعد كل وضوء مفيش مشكلة خالص من عدد المرات بس طبعا بالعقل من غير مبالغة يعني مش تعمليه 20 مرة في اليوم.
ثانيا :لما تيجي تستعمليه رجي الزجاجة كويس جدا وعلي وش نضيف و مغسول هتجيبي قطنة وتبلليها من الزجاجة بس تخليها مبلولة جامد بوفرة يعني من السائل اللي احنا عملناه وتدهني بيها وشك ورقبتك كلها ماعدا منطقة العين.
وبعد ما تعدي فترة تقريبا ربع ساعة هتحسي الخليط ده نشف علي وشك جامد وشده كده ممكن تشطفيه بالميه العادية وتنشفي كويس جدا بطريقة الطبطبة مش بعنف.
بصي لوشك في المراية بقي و شوفي لونه بقي عامل ازاي وملمسه كمان ومن اول مرة ان شاء الله ومع تكرار الاستعمال هتشوفي الفرق مرة في مرة وهتواظبي عليه ويبقي ماسكك المفضل.
ملحوظة مهمة:
الماسك ده لكل انواع البشرة ماعدا اتنين فقط.
البشرة اللي فيها حبوب سواء حبوب شباب او حساسية او اي حبوب بشكل عام.
والبشرة الجافة لانه مش بيمشي معاها قوي.
واحتياطي صاحبات البشرة الحساسة جربيه جنب ودنك او في مكان صغير من وشك وشوفيه هيناسبك والا مش هيناسبك لان ممكن يكون مش مناسب لكل صاحبات البشرة الحساسة فيبقي ناخد حذرنا برضه.
لا تنسونا من صالح الدعاء في هذه الايام المفترجة
احبكم جميعا في الله
» عند موتك ........
» السيسى يلتقى رئيس شركة " أربتك " الإماراتية ويطلق حملة "من أجل شباب مصر" .
» لجنة الانتخابات الرئاسية تبحث مع "التنمية الإدارية" الإعداد للانتخابات
» وزارة التعليم: انتظام الدراسة بمعظم مدارس الجمهورية
» الشاشة الزرقة
» كهف أهل الكهف
» لانجيرى للبيع باسعار هايلة
» ريمستريو....